Page:Montaiglon - Recueil général et complet des fabliaux des 13e et 14e siècles, tome III.djvu/64

LXI

DU PRESTRE KI ABEVETE

[par garin]

Paris, Bibl. nat., Mss. fr. 12603,
fol. 240 r^o à 240 v^o.

1
Ichi après vous voel conter,
Se vous me volés escouter,
.I. flablel courtois et petit,
Si com Garis le conte et dit
5D’un vilain qui ot femme prise
Sage, courtoise et bien aprise ;
Biele ert et de grant parenté.
Mout le tenoit en grant certé
Li vilains et bien le servoit,
10Et icele^[1] le prestre aimoit ;
Vers lui avoit tout son cuer mis.
Li prestres ert de li souspris
Tant que .I. jour se pourpensa
Que à li parler en ira.
15Vers le maison s’est esmeüs.
Mais ains qu’il i fust parvenus,
Fu li vilains, ce m’est avis,
Au digner o sa femme asis.
Andoi furent tant seulement,
20Et li prestres plus n’i atent,

1. LXI. — Du Prestre ki abevete, p. 54.
   
   

   ↑ 10 — * icele ; ms., ce.