C’on mist desous vos .II. chevaus ;
Si sera li contes ingaus.
Chi n’a pas trop de nule rien
Car de[1] che me pairés vous bien
Demain au partir sans deçoivre.
Après le conte doit on boire, »
Fait li Prestres, « si beverons.
— Quant vous plaira, et coucherons, »
Dist li Chevaliers, « biaus dous sire, »
Qui en son cuer ot molt grant ire.
Dont se sont levé tout ensamble,
La maisnie, si com moi samble,
Pour lui servir et descauchier ;
Qui dont le véist encauchier
De lui servir et honnour faire,
Ne li peûst de riens mesplaire ;
Cius le descauche, chius le grate,
Chius le soustient, et chius le taste.
Ensi li font tout son plaisir ;
Acompli li ont son désir,
Tant qu’il l’orent muchié ou[2] lit,
Qu’il orent fait bel et delit.
Quant couchié l’ont isnelement
Si ne targierent de nient,
Ains aportent le vermeil vin.
Si but entre les dras de lin.
Quant ot bu, erraument se couche ;
Son chief envolepe et sa bouce.
Et fait samblant que dormir voeile.
Tantost se deschauce et despouille
Page:Montaiglon - Recueil général et complet des fabliaux des 13e et 14e siècles, tome II.djvu/73
Le texte de cette page a été corrigé et est conforme au fac-similé.
410
59
du prestre et du chevalier