Page:Montaiglon - Recueil général et complet des fabliaux des 13e et 14e siècles, tome II.djvu/70

56

260

fabliau xxxiv

Laissier son escu et sa targe ;
S’a tel duel por poi qu’il n’esrage,
Com cil qui plus faire ne puet.
Dist li Prestres : « Il vous estuet
295Menger anuit, mais en est tans. »
En .II. bachins clers et luissians
Porta on l’iaue^[1] pour laver ;
Gille^[2], la plaisant demisele,
L’a aportée^[3] maintenant.
300Le Prestre fist laver devant
Le Chevalier à grant honnour ;
De son otel le fist seignour.
Après lava li Capelains
Ses iex et sa bouche^[4] et ses mains ;
305Puis s’alérent seoir après.
.II. candelabres de chiprès
Aportent doi vallet avant ;
En cascun ot .I. chierge grant
Que mieux véissent au mengier.
310Sans contredit et sans dangier
Les servi on .I. à un mès,
Et, devant tous les autres mès,
Fu premiers li pains et li vins.
Li chars de porc et li connins
315Aporta on, pour .II. mès faire ;
Celle viande doit bien plaire.
Après orent oisiaus nouviaus ;
Puis fu aportés li gastiaus.
Et li capon furent au soivre.
320Et li poisson^[5] à le fort poivre,

1. 297 — ïaue, lisez iaue. — Après ce vers, il en manque au moins deux.
2. 298 — Gile, lisez Gille.
3. 299 — * aportée; ms., aporté.
4. 304 — Il faudrait corriger : Ses iex et sa bouche.
5. 320 — * poisson ; ms., capon.