Page:Montaiglon - Recueil général et complet des fabliaux des 13e et 14e siècles, tome II.djvu/41

100

27

du prestre mis au lardier

Mès ne savoit mie

Que Baillet pensa.
75La plus grant partie

Des voisins manda ;

Mout bien les fist boire et puis dit leur a :

« Sur une charete me faut trousser haut
Ce viéz lardier là ; vendre le me faut. »
80Lors trembla le Prestre, qu’il n’avoit pas chaut.

On fist ens en l’eure

Le lardier trousser ;
Baillet, sans demeure,

L’en a fait mener

85En la plus grant presse que pot on trouver.

Mès le las de Prestre, qui fu enserré,
Ot un riche frère, qui estoit curé
D’assés près d’ilec^[1]. Là vint, bien monté,

Qui sot l’aventure

90Et le destourbier.
Par une creveure,

Qui fut ou lardier,

Le connut son frère ; haut prist à huchier,

« Frater, pro Deo, delibera me. »
95Quant Baillet l’oy, haut s’est escrié ;
« Esgar, mon lardier a latin parlé ;

« Vendre le vouloie,

Mès, par saint Symon,
Il vaut grant monnoie ;

100Nous le garderon.

1. 88 — illec, lisez ilec.