Tost dirrount : « C’est un bercu. »
Si j’ay court nées tot en desus,
Um dirrat : « C’est un camus. »
Si j’ay la barbe long pendaunt :
« Est cesti chèvre ou pelrynaunt ? »
E si je n’ay barbe : « Par seint Michel !
Cesti n’est mie matle, mès femmel. »
E si je su long e graunt,
Je serroi apelé geaunt ;
E si petitz sei de estat,
Serroi apelé naym et mat.
Dieu ! come le siecle est maloré,
Que nul puet vivre sanz estre blamé !
Plus y avereit à counter,
E assez plus à demaunder ;
Mès je ne vueil estudier
Si vus ne me volez del vostre doner ;
Car ensi va de tote rienz
E des malz et des bienz ;
Car nulle rien ne purroi fere
Qe um ne trovera le countrere. »
Donqe dit le Roi : « Verroiement
Vus dites voir, à mien ascient.
Quei me saverez vus counsiler ?
Coment me puis countener
Et sauntz blame me garder,
Que um me vueille mesparler ? »
Respound le Joglour al Roy :
« Sire, moun counsail vus dirroy :
Si vus vostre estat veilla bien garder,
Page:Montaiglon - Recueil général et complet des fabliaux des 13e et 14e siècles, tome II.djvu/269
Le texte de cette page a été corrigé et est conforme au fac-similé.
410
255
le roi d’angleterre et le jongleur
