Vos prieres serrount oys tart. »
E si vus alez par le moster
E ne volez point entrer,
Donqe dirra vostre veysyn :
« Cesti ne vaut plus qe un mastyn ;
Si Dieu me doint de son bien,
Cesti ne vaut plus que un chien. »
Si vus volenters volez juner
Pur vos pechiés amender,
Dount dirra li maloré :
« Où à deables ad il esté ?
Yl ad soun père ou mère tué,
Ou ascun de soun parentee,
Ou femme, file ou enfaunt.
Pour ce qu’il june taunt ».
Si vus sovent ne junez,
Donqe dirrount malorez :
« Cesti mavais chien recreant
Ne puet juner taunt ne quant,
Le bon vendredy ahorree
Prendreit il bien charité
Trestot par soun eyndegré
Ja de prestre ne querreit congé ».
Si je su mesgre : « Bels douz cher,
Mort est de faim ; il n’a qe manger ».
E, si je su gros e gras.
Si me dirra ascun en cas :
« Dieu ! come cesti dorreit graunt fiaut
En une longayne, s’il cheit de haut ! »
Si j’ay long nées asque croku,
Page:Montaiglon - Recueil général et complet des fabliaux des 13e et 14e siècles, tome II.djvu/268
Le texte de cette page a été corrigé et est conforme au fac-similé.
254
380
fabliau lii
