Yl ne despendi unque dener,
S’il ne fust dolent al departer :
De son gayn Dieu li doint pert,
Yl n’out unqe la bourse overt. »
Si vus estes vesti quoyntement,
Donqe dirrount la gent :
« Avez veu de cel pautener,
Com il est orguillous e fier ?
Ataunt usse je de or real
Com il se tient valer fient de cheval !
Yl[1] n’i averoit si riche houme, par Dé,
En Londres la riche cité. »
Si vostre cote seit large e lée,
Si derra ascun de soun grée :
« Ce n’est mie cote de esté. »
Donqe dirra le premer :
« Assez est bone, lessez ester ;
Il resemble un mavois bover. »
Si vostre teste soit despyné
............
E soit haut estauncé :
« C’est un moygne eschapé. »
Si vostre teste seit plané,
E vos cheveus crestre lessé ,
Yl serra meintenant dit :
« C’est la manere de ypocrit. »
Si vostre coyfe seit blanche e bele :
« S’amie est une damoysele,
Qe ly vodra plus coyfes trover
Qe ly rybaud pust decyrer. »
- ↑ 271 — Il, lisez Yl.