Page:Montaiglon - Recueil général et complet des fabliaux des 13e et 14e siècles, tome II.djvu/260

Le texte de cette page a été corrigé et est conforme au fac-similé.
246
140
fabliau lii

Pur pardoun receyvre e penance fere
A tote gent de la terre.
— Seinte Marie ! » fet le Roy,
« Comment parles tu à moy ?
115Je dis sauntz de gales e sorenz
E d’autres mais e tormentz. »
Fet le Jogler al Roy :
« Yl ne se pleynt unque à moy
De maladie qu’il out en sey,
120Ne à autre myr, par ma fey.
— Bels amis, ad il bons pies ?
— Je ne mangay unque, ce sachez, »
Ensi le Joglour respount ;
« Pur ce ne say je si bons sunt.
125— Qe vus est, daun rybaut ?
Sunt il[1] durs, si Dieu vus saut ?
— Durs sunt il verroiement.
Come je quide à mon escient ;
Yl usereit plus fers un meis
130Que je ne feisse mettre en treis.
— Est il hardy e fort ?
— Oïl, il ne doute point la mort ;
S’il fust en une grange soulement,
Yl ne dotereit verreiement,
135Ne ja n’avereit il poour
Ne de nuit ne de jour.
— Ditez moi s’il ad lange bone.
— Entre si e Leons sur Rone
N’ad nulle meilour, comeje quyt ;
140Car unque mensonge ne dit.

  1. Vers 126 — ils, lisez il.