Seygnours, escotez un petit,
Si orrez un trés bon desduit
De un menestrel que passa la terre
Pur merveille e aventure quere.
Si vint de sà Loundres, en un pree
Encountra le Roy e sa meisnée ;
Entour son col porta sun tabour
Depeynt de or e riche atour.
Le roi demaund par amour :
« Ou qy este vus, sire Joglour ? »
E il respount sauntz pour :
« Sire, je su ou mon seignour.
— Quy est toun seignour ? » fet le Roy.
« Le baroun ma dame, par ma foy.
— Quy est ta dame par amour ?
— Sire, la femme mon seignour.
— Coment estes vus apellee ?
— Sire, come cely qe m’ad levee.
— Cesti qe te leva quel noun aveit ?
— Itel come je, sire, tot dreit.
— Où vas tu ? — Je vois de là.
— Dont vien tu ? — Je vienk de sà.
— Dont estez vus ? ditez saunz gyle.
— Sire, je su de nostre vile.
— Où est vostre vile, daunz Jogler ?
— Sire, entour le moster.
— Où est le moster, bel amy ?
— Sire, en la vile de Ely.
— Où est Ely qy siet ?
— Sire, sur l’ewe estiet.
Page:Montaiglon - Recueil général et complet des fabliaux des 13e et 14e siècles, tome II.djvu/257
Le texte de cette page a été corrigé et est conforme au fac-similé.
50
243
le roi d’angleterre et le jongleur
