Page:Montaiglon - Recueil général et complet des fabliaux des 13e et 14e siècles, tome II.djvu/246

232

528

fabliau l

Après lez li se coucha.
500Le clerk la dame acola,
Beisa e fist tot son talant.
Trop fu la dame longement,
Ceo fud avis al chivaler ;
Enué fud del reposer.
505Kant le clerk aveit tant fet,
Servi la dame sis fez ou seet,
Tant fu las ne pout avant.
La dame li dist en riant :
« Ore en pernez tant com voudret,
510Kar jamès plus n’i avendret. »
Que volez vus ? il ne pout plus.
Ele li dist : « Or levez sus,
Alez tost hors de cest païs,
Kar, si le sussent mes amis,
515Tost serriez vus tut^[1] afolé.
De male gleive tut detrenché. »
La dame .XX. mars li dona ;
Li clerk donc s’en ala,
L’endemain sun congié prist :
520A l’escole irreit, ce dist.
Le comand la dame tint ;
Une puis en le païs ne vint.
La dame dune en sa sale entra,
Ses serjanz trestuz appella :
525« Or^[2] tost as armes com bons vassals !
Un clerjastre^[3], un menestrauz
En ma chambre est abatu.
Gardez k’il seit tant batu

1. 515 — « vus tut » manque au ms.
2. 525 — * Or ; ms., Ore.
3. 526 — * clerjastre ; ms., clerejastre.