Page:Montaiglon - Recueil général et complet des fabliaux des 13e et 14e siècles, tome II.djvu/242

228

408

fabliau l

Ke vus jussez en mun lit
380E feissez de moi vostre delit,
Quant quidriez estre de vigur
Ke faire peussiez le jug d’amur
E servir une dame à talent ? »
Le clerk se adresça erraument
385Com il ne eüst el cors grevance
De tel afere bien se avance,
E dist ke dedeinz le tierz jor
Assez serreit de vigour,
Kar la joie k’il avereit
390Fort e vigorus li fereit^[1].
La dame li dist k’il attendreit
Quinze jurs e dune avereit
Sa demande sanz desturber ;
Pensast de beivre e de manger.
395Li clerk, si tost com ceo oy,
Merveillusement^[2] se esjoy
Tant com il feist^[3] de la cité
De Paris ke li feust doné,
Mès le lung terme chalanga.
400E la dame le chastia,
Li dist le liu^[4] où il vendreit,
Le oure e quel abit il avereit.
La dammoiselle tut escouta
A ki cest co venant mult peisa,
405Mès de ceo semblant ne fist ;
En sun quer pensa e dist
Ke lur covenant contereit
A son frere kant le verreit.

1. 390 — * vigorus li fereit ; ms., vigrus li freit.
2. 396 — * Merveillusement ; ms., Merveillement.
3. 397 — * feist ; ms., feust.
4. 401 et 437 — liu ; ms., lui.