Page:Montaiglon - Recueil général et complet des fabliaux des 13e et 14e siècles, tome II.djvu/237

258

223

le chevalier, sa dame et le clerc

A bref terme de duel morreit,
230Tant li tint Amur en destreit.
La damoisele prist congee,
Triste e murne est retornee.
Or saveit ele bien de veir
Ke failli avoit de sun espeir,
235Mès tant fîst ele de corteisie
Ke son message ne cela mie.
Dist à la dame le grant dolur
Ke li clerk suffri pur s’amur ;
Requist k’ele eust de li pité,
240Alast le ver, pur l’amur Dé.
La dame dist k’ele ne voleit,
Kar de li cure ne avoit
Pur sa dolur ne pur sa joie.
E la pucele tote voie
245Pur le clerk pleide e crie
Tant ke sa dame se humelie,
E dist ke volentiers irreit,
De sa folie le chastiereit^[1].
La dame afublieit un mantel
250D’escarlette bon e beel,
Puis dist à sa chamberere :
« Dammoisele, par vostre prière
Emprendrai^[2] ore ceo veage,
Ou turt^[3] à preu ou à damage.
255E si ne faz mie ke sage :
Unkes^[4] mès en trestut mon age
Ne mespris tant vers mon seignur
Com faz ore pur vostre amur.

1. 248 — Le ms. porte : E de la folie se chastiereit.
2. 253 — * Emprendrai ; ms., Prendrai.
3. 254 — * turt ; ms., tut.
4. 203, 219, 256 et 582 — * Unkes ; ms., Une.