Page:Montaiglon - Recueil général et complet des fabliaux des 13e et 14e siècles, tome II.djvu/234

220

168

fabliau l

Li proveire sun seignur
140Pur le clerk fud en tristur.
Mult le pleint, kaf bien le amat.
De manger sovent le priat,
Mès por nient le feseit ;
Le clerk dist qu’il ne mange reit,
145Kar ne pout por la^[1] maladie.
Kant la novele fut oïe
Parmi la vile, entre la gent
Mult le pleindrent durement.
Li chivaler, la dame^[2] auxi,
150Aveient grant pité de li.
La dammoisele kant ceo savoit,
Se purpensa mult estroit
Coment peûst à li parler,
Si de rien li peust conforter.
155A la dame vint, si li dist :
« Dame, merci pur Jhesu Christ.
Vous sovient il del bacheler
Ke vus soliez tout preiser,
Le beau clerk si bien chauntant ?
160Tant est malades ne peut avant :
Il ne atent mes que la mort.
Qui faire li peust nul confort
Il fereit^[3] aumonne e honur. »
La dame respond^[4] par douçur
165Ke volentiers confort li freit,
Si il nule rien voleit
De chose ke eust^[5] en sa baillie.
La dame la dammoisele prie

1. 145 — « la » manque.
2. 149 — * la dame ; ms., e la dame.
3. 163 — * fereit ; ms., freit.
4. 164 — * respond ; ms., respondi.
5. 167 — Le ms. ajoute ele avant « eust ».