Page:Montaiglon - Recueil général et complet des fabliaux des 13e et 14e siècles, tome II.djvu/232

218

108

fabliau l

Cil clerk, deint jeo vus ai conté,
80Chascun jor en la matiné
Al mouster vint tut de^[1] premer,
Overi l’us e lessa entrer
La dame ke par matin leveit
E al mouster tantost aleit.
85La dammoiselle l’i suy,
Que ne voleit estre loing de li.
Tant passa li tens avant
Ke li clerk devint amant
A ma dame sanz reison,
90Ke fud de grant religion.
Cele l’ ama com autre gent^[2],
Mès il la ama tut autrement :
De amur à li parler ne oseit
Kar bone dame la saveit,
95E dotout mult le sien^[3] seignur,
Ke il suth k’ eust^[4] fait tel deshonur
Ke de sa femme eust felt folie
Tost i perdreit la vie ;
Mès pur eschiver^[5] grant damage
100Koy se tint, e fist ke sage.
La dame rien ne savoit
Ke li clerk tant l’amoit.
Ne pensa nient de folie,
Deu ama e bone vie.
105Chascun jor, kant ele mangeit,
Treis povres devant li pesseit.
La chamberere le clerk ama
Tant ke bien^[6] près se aragia.

1. 81 — « de » manque.
2. 91 — Le ms. porte : Cele ne li aina mès com autre gent.
3. 95 — « sien », manque au ms.
4. 96 — * k’eust ; ms., k’il eust.
5. 99 — * eschiver ; ms., eschure.
6. 108 — « bien » manque au ms.