Page:Montaiglon - Recueil général et complet des fabliaux des 13e et 14e siècles, tome II.djvu/231

78

217

le chevalier, sa dame et le clerc

Les^[1] clerks amoit ke bien chanteient
50E ke melodie feseient
En esglise pur Deu loer ;
En li n’i aveit quei reprover.
Icil^[2] produm un clerk avoit
Ke de novel venuz estoit :
55Bien savoit et^[3] chaunter e lire
Li clerk, e si savoit li sire,
Li clerk fu de bele estature,
Bien out en li overé Nature.
Qui de beauté vousist contendre,
60En li n’avoit que i reprendre :
Apert avoit la viere,
Sur tote rien fud debonere.
La gent le amoient pur sa bounté,
Pur sa pruesce, pur sa beauté.
65Le vicaire mult le ama
Kar sage e umble^[4] le trova.
Si estoit li clerk gentil,
Ne fut païsant ne nés^[5] vil,
Car^[6] fiz de chivaler estoit.
70Piere e miere perdu avoit ;
A la clergie se vout tenir :
De ceo se quidout mieuz guarir.
Quei vus irrai^[7] plus enloingnant ?
Li clerk fud par amé taunt
75De riches, de poveres ensement,
Des homes, de femmes, de tote gent,
Ke tuy parleient bien de li :
Ne vodroient k’il eiist enui.

1. 49 — « Les » manque au ms.
2. 53 — * Icil ; ms., Cil.
3. 55 — « et » manque.
4. 66 — * sage e umble ; ms., sages e umbles.
5. 68 — * nés ; ms., neif.
6. 69 — « Car » manque au ms.
7. 73 — * irrai ; ms., irrai jes.