Le texte de cette page a été corrigé et est conforme au fac-similé.
XXXI
DU PRESTRE ET D’ALISON.
par guillaume le normand.
Bibl. nat., F. fr., Man. no 19,152, fol. 49 vo à 51 ro.[1]
l sont mais tant de Menestrex
Que ne sai à dire desquels
Gesui, par le cors S. Huitace ;
Guillaume, qui sovent s’élasse
En rimer et en fabloier,
En a .I. fait, qui molt est chier,
De la fille à une Borgoise,
Qui meint en la riviere d’Oise ;
Si avoit non Dame Mahaus.
Maintes foiz avoit vendu auz
A sa fenestre et oignons[2],
Et chapeax bien ouvrez de jons
Qui n’estoient pas de marès.
Sa fille avoit à non Marès,
Une puce[le][3] qui ert bele ;
Un jor portoit en ses braz belle
Et creson cuilli en fontaine ;
Moilliée en fu de ci en l’aine
Parmi la chemise de ling.
El ne fu mie de hait ling ;
