Page:Montaiglon - Recueil général et complet des fabliaux des 13e et 14e siècles, tome II.djvu/217

200

203

la veuve

Et, cant ce vient la matinée,
Si dist : « De bune œre fui née
Ke n’ai mais privé, ne estrange^[1],
...........
175Ne brun, ne blanc, ne bis^[2], ne roz ;
Or est mes chenevaus^[3] derous. »
Or n’a ele soing de lochier^[4],
Ne de plaidier ne de closcier,
Ains se fait mult et clere et saine.
180Sovent pour le blanchir se saine,
Et, s’ele a la teste chenue,
A mult envis la porte nue ;
Ains se fait sovent sage et simple,
Et si remet avant sa guimple
185Por ses viez grates recovrir
Ki rasemblent az œs ovrir.
Or^[5] n’a ele soing de repunre ;
Il ne l’estœt mie semonre,
S’on fait noces, qu’ele n’i soit ;
190Or n’a ele^[6] ne fain ne soit ;
Or ne li faut fors que li rains^[7]
Ki le mal li lache des rains ;
Celui acquiert^[8] bien et porcace.
Ses enfans en sus de li chace
195Et bece ausi con la geline
Ki desouz^[9] le cok s’ageline ;
Nuitons devient, ses escalchire^[10],
Et si^[11] fait chandoiles de cire,
K’ele offre par us et par nombre,
200Ke Dex des enfans le descombre

1. 173-174 — La lacune de A est comblée ainsi par B :

   Car je n’ai mais qui me destrange ;
   Je ne creim privé ni estrange.

2. 175 — blanc ne bis. B, bis ne blant.
3. 176 — chenevaus. B, cavestres.
4. 177-186 — Ces vers manquent dans B.
5. 187 — Or. B, Dont.
6. 190 — Or n’a ele. B, Ele n’a or.
7. 191 — B, Il ne li faut ne plus ne mains.
8. 193 — aquiert. B, porquiert.
9. 196 — desouz. B, dalés.
10. 197 — ses escalchire. B, si ses caucire.
11. 198 — Et si. B, Souvent.