Page:Montaiglon - Recueil général et complet des fabliaux des 13e et 14e siècles, tome II.djvu/209

80

195

le dit de la gageure

Là sus en icel grant^[1] jardyn ;
Desouz le perer Jahenyn
Alez, e ilec^[2] m’atendez :
Je y vendroi, se bien^[3] sachez. »
55Li esquier^[4] avant ala,
E la pucele retorna
A sa dame ; si l’a countee,
Que molt ad joie démenée,
A l’esquier la envoia,
60Et à soun seigneur meisme^[5] ala,
Ou bele chere, ou bel semblant :
« Sire, » fet el^[6], « venez avaunt ;
Si verrez pur voir^[7] vostre frere
Beyser le cul de^[8] ma chaunbrere !
65— Certes, » dit il, « je ne quid raie
Qu’il fereit^[9] tiele vyleynie.
— Si fera il^[10], par seint Martyn ;
Ce mettroi un tonel de vyn, »
La gagure ount il^[11] affermee
70E as fenestres sunt alee.
La damoisele se est venue
A l’esquier, que la salue ;
Yl leve sus les dras derer,
Puis pensout si à bon mester
75Li esquier^[4] à soun voler
De l’affere ne voelt^[12] failler.
Yl sake avaunt un^[13] bon bordoun,
Si l’a donné en my le coun,
Un gros vit et long^[14] et quarré,
80Si l’ a^[15] en my le coun donné ;

1. 51 — * icel grant ; ms., cel.
2. 53 — * ilec ; ms., ileque.
3. 54 — « bien » manque au ms.
4. 55 et 75 — Li esquier ; ms., L’esquier.
5. 60 — * meisme ; ms., meismes.
6. 50 et 62 — * el ; ms., ele.
7. 63 — « pur voir » manque au ms.
8. 64 — « de » manque au ms.
9. 66 — * fereit ; ms., freit.
10. 67 — * fera il ; ms., frez.
11. 69 — « il » manque au ms.
12. 76 — * l’affere ne voelt ; ms., son affere ne voldra.
13. 77 — « un » manque au ms.
14. 79 — * et long ; ms., long.
15. 80 — * l’a ; ms., ly a.