Page:Montaiglon - Recueil général et complet des fabliaux des 13e et 14e siècles, tome II.djvu/203

200

189

du chevalier a la corbeille

Ne dormi, einz fust en entente,
Tant q’ele oie ou q’ele sente
De son amy l’ aviegnement^[1].
Vers la chaunbre va belement
175Où la dame le entendoit^[2].
Bon guerredoun^[3] rendre l’en doit
La dame, qe grant joie en a ;
Dedenz la chaunbre le mena,
E firent qanqe fere durent.
180A molt grant joie ensemble furent,
Mès la veille gysoit molt près,
Qe molt avoit le cuer engrès,
E n’ert pas uncore endormie.
Entre lur deus litz n’i out^[4] mie
185Une teyse, ce m’est avys ;
Un^[5] covertour covroit lur lis,
Qe bon e bel e graunt estoit,
E qe soul^[6] les deus litz covroit.
Le^[7] chevaler fist son mester
190E le covertour^[8] fist crouler ;
Lors la maveise^[9] demaunda :
« File, ton covertour, q’ey ça
Qe tant l’ oie^[10] aler e venir ?
— Dame, je ne me^[11] pus tenir, »
195Fet ele, « de grater une houro :
Seigne, ce qid, me demoure. »
Cele qide que voir ly dye,
Mès longes ne demorra mie
Ne fist^[12] le covertour crouler :
200Sout^[13] les coupes le roy doner

1. 173 — * l’aviegnement ; ms., le aviegnement.
2. 175 — * le entendoit ; ms., l’entendoit.
3. 176 — * guerredoun ; ms., guerdoun.
4. 184 — * out ; ms., avoit.
5. 186 — * Un ; ms., Un soul.
6. 188 — * Et que soul ; ms., Le covertour que.
7. 189 — * Le ; ms., Comme le.
8. 190 — * E le covertour fist ; ms., Le covertour comença.
9. 191 — * Lors la maveise ; ms., La maveise veille.
10. 193 — * l’oie ; ms., le oie.
11. 194 — « me » manque dans le ms.
12. 199 — * Ne fist ; ms., Qe il ne fist.
13. 200 — * Sout ; ms., Bien sout.