Page:Montaiglon - Recueil général et complet des fabliaux des 13e et 14e siècles, tome II.djvu/202

Le texte de cette page a été corrigé et est conforme au fac-similé.
188
170
fabliau xlvii

Qi estoit[1] apuez al mur,
E soit là dès q’il soit obscur
E que la gent se soit cochee[2] ;
Puis mounte le mur à celee[3],
145Si le atende à un kernel.
Cely, qe ne fust gueres bel
De remeyndre en si grande[4] doute,
Greaunta[5] sa volenté toute ;
Qar ne le osa fere autrement.
150Vers le ligner va belement,
Enbuchez est dedenz la buche
E tint en sa meyn une rusche.
E qant la gueyte avoit cornée,
Le chevaler s’ ert[6] atornee.
155Qant qida qe fust endormie
La gent, lors ne s’ oblia[7] mie,
E[8] le chevaler ad fet taunt
Qe grant piece après l’anuytant
Sy vint dehors les murs ester ;
160Et um ly fet tost[9] aporter
Une corbaille bien tornée.
De cordes bien avyronée,
Ou la aye cely desus.
Le chevaler, qe remist jus,
165S’est denz[10] la corbaille cochée,
E cil l’ount sus le mur sakee[11]
E molt tost le ount[12] mis a vale
De le mur desqe en la sale ;
Bien ad deservy son deduit.
170E la dame unqe cele nuit

  1. 141 — * Qi estoit ; ms., Q’estoit.
  2. 143 — * cochee ; ms., cochié.
  3. 144 — * à celee ; ms., tot à celee.
  4. 8 et 147 — * grande ; ms., grant.
  5. 148 — * Greaunta ; ms., Graunta.
  6. 154 — * s’ert ; ms., se s’ert.
  7. 156 — * s’oblia ; ms., se oblia.
  8. 157 — « E » manque dans le ms.
  9. 160 — « tost » manque dans le ms.
  10. 165 — * denz ; ms., dedenz.
  11. 166 — * sakee ; ms., saké.
  12. 167 — * le ount ; ms., l’ount.