Page:Montaiglon - Recueil général et complet des fabliaux des 13e et 14e siècles, tome II.djvu/200

Le texte de cette page a été corrigé et est conforme au fac-similé.
186
110
fabliau xlvii

Trop ad en ly male racyne ;
Mès qi m’enseignast medicine[1]
Par qei ele fust asourdée,
Je l’en donasse grant soudée,
85Qar petit dort et longes veyle,
Si a par[2] tro clere l’oreyle
Auxi de nuytz corne de jurs.
Um di qe veeille gent sunt sourdz,
Mès ceste ad trop clere l’oye.
90— La male goute, bele amie, »
Feit il, « nus em pusse venger !
Je ne vus say autre enseigner ;
Mès, pur Dieu, que frez vus de moi,
Qe taunt vus ayme en bone foy ?
95Grant piece a, e bien le savez.
Trés[3] grant pechié de moy avez.
— Peché, » fet el[4], « bels amis chers ?
Ja estes vus ly chevalers
Qe je plus aym ; si je peüsse[5]
100E je le loyser en eüsse[6],
Veiez tauntz barrez e tanz murs[7],
Je vodroi estre ou vus aillours
En Espaigne ou en Lumbardye.
— Dame, » fet il, « par coardye,
105Si Diu peüst[8] mon cors salver,
Ne lerroi je pas à entrer
En cet hostel, e[9] tant feroi
Q’uncore[10] anuit seyenz seroi.
Si de vus qidoi esploiter.
110— Venez or[11] dount saunz respiter, »

  1. 82 — * medicine ; ms., la medicine.
  2. 86 — « par » manque au ms.
  3. 96 — « trés » manque au ms.
  4. 97 — * el ; ms., ele.
  5. 99 — * peüsse ; ms., pusse.
  6. 100 — * en eüsse ; ms., usse.
  7. 101 — Ce vers nous paraît incompréhensible.
  8. 105 — * peüst ; ms., pust.
  9. 107 — et, lisez e.
  10. 108 — * Q’uncore ; ms., Qe uncore.
  11. 110 — « or » manque au ms.