Page:Montaiglon - Recueil général et complet des fabliaux des 13e et 14e siècles, tome II.djvu/188

174

98

fabliau xlv

« Tu ez folz, » sa fame li dist,
« Diex le commanda de son ciel
75Que l’en un moustier i feïst
U non de l’angre Saint Michiel.
A dames est plus dous que miel,
Et qui ira
Bien repentant de tout meffait,
80En paradis son lit est fait.

— Ou quel paradis ? » dist Martin ;
« Il n’est paradis fors deniers
Et mengier, et boire bon vin,
Et gesir sus draps déliez ;
85Il n’i a riens de Saint Michiel
Fors les parois
Et l’ymage que le biau rois
Fist paiier de ses viex orfrois.

« Mès, g’irai, » dist il « par mon chief^[1],
90A povres^[2] gent rien ne donrai.
Ne n’amenderont ja du mien ;
..............
Une maille li porteray
Qu’ey espargnié ;
Ele est esbrechie le tiers ;
95Je li offerray volentiers. »

Cele^[3] maaille li moustra :
La fame molt bien la quenut.
Martin à Saint-Michiel ala ;

1. 89 — Ce vers, dans le ms., n’assonne pas en ié : Par mon chief, » dist il, « ge irai.
2. 90 — * A povres ; ms., Mès à povres.
3. 96 — * Cele ; ms., Sele.