Page:Montaiglon - Recueil général et complet des fabliaux des 13e et 14e siècles, tome II.djvu/172

158

50

fabliau xliv

Et je di bien, se Dix m’aït,
Que d’ont devenroit^[1] il caitis.
Je vous conterai bien le conte
Comment li Vallès va à honte,
25Et li baiselete ensement,
Qui se marie povrement.
Li Vallès vint à une ville ;
Si parole à une meschine,
Celi quiconques miex li siet.
30Li Vallès delés^[2] li s’asiet,
Puis si li dist : « Ma douche seur.
Je vous ainme de tout men cuer. »
Cele respont : « Laissiés me^[3] ester,
Biaus sire, et si ne me gabés ;
35Envis m’ameriés, s’ariés droit.
Plus bele et plus cointe de moi
Ames vous, ce quide^[4] je bien ;
Laissiés me en pais, si ferés bien.
Car ce n’est mie courtoisie
40Se vous gabés une meschine. »
Et chiex respont : « Ma douche amie,
Sachiés, je ne vous gabe mie.
Anchois^[5] vous ai mout enamée ;
N’a meschine en ceste contrée
45Cui j’aimme tant com je fac vous.
Pour honneur^[6] faire vieng à vous ;
Si vous prendrai^[7], se vous volés ;
S’irai à vos amis parler
Et à vo dame et à vo sire. »
50Celle respont, qui le desire

1. 22 — * devenroit ; ms., deveroit.
2. 30 et 135 — delès, lisez delés.
3. 33 — * Laissiés me ; ms., Laissieme.
4. 37 — * quide ; ms., qui.
5. 43 — * Anchois ; ms., Ains.
6. 46 — * honneur ; ms., honner.
7. 47 — * prendrai ; ms., prenderai.