Page:Montaiglon - Recueil général et complet des fabliaux des 13e et 14e siècles, tome II.djvu/159

XLII

LA PATRE-NOSTRE FARSIE

Bibl. nat., Man. Fr., n^o 837 (anc. 7218),
f^o 274 r^o.^[1]

1
Pater noster doit chascuns^[2] dire
A Dieu et crier : Biaus douz sire,
Gardez nos ames et noz cors ;
Qui es in celis haut là sus,
5Tu connois bien chascun çà jus
Et par dedenz et par defors.

Sanctificetur nomen tuum,
Car il n’est nus, soit fame ou hom,
S’à toi de cuer adveniat,
10Qu’il ne gaaint regnum tuum ;
S’il humelie cor suum,
Tu lui diras tantost : fiat.

Voluntas tua est moult droite ;
Le salu de chascun covoite
15Aussi du povre com du riche,
Sicut in celo et in terra.
Jà nus enz ès ciex n’enterra
Qui le cuer ait aver ne chiche.

1. XLII. — La Patre-Nostre farsie, p. 145.
   
   
2. Vers 1 — chascun, lisez chascuns.