Page:Montaiglon - Recueil général et complet des fabliaux des 13e et 14e siècles, tome II.djvu/141

134

127

le dit des marchéans

105Or oiez, si ne vous anuit ;
Il i a marchéanz de fruit,
Naviaus et poriaus et letues,
De faucons, d’ostors et de grues ;
Et marchéanz de freperie,
110Et de chanvre et de corderie,
Et de sarges et de tapis,
Et de ratoires à soris ;
Si i a marchéanz de lin,
De mueles de fer de molin,
115De haces et de bernagoes.
De peles, de pis et de hoes.
Hotes et vanz et escueles,
Et de gates et de foisseles,
De martiaus, d’englumes, d’acier.
120Diex gart marchéanz d’encombrier,
Chandeliers, potiers, lormerie,
Marchéanz de féronerie,
De seles, d’estriers, de poitraus,
De charretes et de borriaus.
125Il i a marchéanz de nois.
De feves, de veces, de pois.
De siu^[1], d’oint, de miel et de sain,
De chandoile et de peresin.
Ne le tenez mie à eschar :
130Li bouchier si vendent la char,
Et li poissonier li poisson.
Marchéanz d’uile et de coton
Et de gingembras d’Alixandre,
De jaspe et de cristal et d’ambre

1. 127 — sui, lisez siu.