Froidir li fait et eschauffer ;
Sovent li fait color muer.
Dit li Sires à Guillemet :
« Il a en vos molt fol vallet
Qu’à mon faucon vos estes pris ;
G’en ai esté molt très pensis :
Ce n’en sai nul, ne fol ne saige,
Prince, ne conte de parage
Cui[1] gel’ donasse en tel manière
Por servise ne por proiere. »
Lors a dit à un damoisel :
« Alez moi querre mon oisel. »
Cil li aporta arroment.
Li Sires par les gièz le prent ;
Si l’a à Guillaume doné.
Et cil l’en a molt mercié.
Dist la Dame : « Or avez faucon ;
.II. besanz valent .I. mangon. »
Ce fu bien dit, .II. moz à un,
Que il en auroit .II. por un,
Et cil si ot ainz l’endemain
Le faucon dont il ot tel faim,
Et de la dame son déduit
Qu’il ama mielz que autre fruit.
Par la raison de cest flabel
Monstre ai essanple novel
As valiez et as damoiseax.
Qui d’Amors mainent lor[2] cenbeax,
Que, qant auront lor cuer doné
As dames de très grant beauté,
Page:Montaiglon - Recueil général et complet des fabliaux des 13e et 14e siècles, tome II.djvu/126
Le texte de cette page a été corrigé et est conforme au fac-similé.
112
620
fabliau xxxv