Page:Montaiglon - Recueil général et complet des fabliaux des 13e et 14e siècles, tome II.djvu/106

XXXV

DE GUILLAUME AU FAUCON.

Bibl. nat. Man. F. Fr. 19,152 (ancien 1830,
fonds Saint-Germain), f^o 60 r^o à 62 v^o.

1
Qui d’aventure velt traiter,
Il n’en doit nule entre^[1]laisser
Qui bonne soit à raconter :
Or en vorrai d’une palier.
5Jadis estoit .I. damoiseax
Qui molt estoit cointes et beax ;
Li valiez ot à non Guillaumes.
Cerchier péust-on .XX. réalmes
Ainz c’on péust trover si gent,
10Et n’estoit molt de haute gent.
Il n’estoit mie chevaliers ;
Valiez estoit. .VII. anz entiers
Avoit .I. chastelain servi ;
Encor ne li avoit meri
15Li service qu’il li faisoit :
Por avoir armes le servoit.
Li vallez n’avoit nul talent
D’avoir armes hastivement ;
Si vos dirai raison por qoi :
20Amors l’avoit mis en effroi ;

1. XXXV. — De Guillaume au faucon, p. 92.

   Publié par Méon, IV, 407-427, et donné en extrait assez long par Legrand d’Aussy, III, 307-315.