Page:Montaiglon - Recueil de poésies françoises des 15e et 16e siècles, tome XI.djvu/349

337

Merveilleux Faictz

Je n’y touche par dessus luy ;
« Nemo, Domine. » — « Nec ego te condemnabo. » Joh. 8^[1].
Item le faict je vous ramaine
De la femme Samaritaine
À laquelle Jésus parla
Emprès le puys^[2] où il alla,
Auquel ses Disciples n’osèrent
Demander, quant ilz retournèrent
Devers luy, qu’il luy avoit dit,
Et Nemo hardiment le fist ;
Nemo dixit : « Quid queris, aut quid loqueris cum eâ ? » Joh. 4^[3].
Somme, ses faictz sont ung abisme
Dont jamais ne sçauroye la disme^[4]
Suffisamment vous relater.
Et ne cessasse huy d’en parler.

Je vous ose encore bien dire
Que, quand Jesu-Christ nostre sire
À ses disciples racomptoit^[5]
Que, au temps lors qu’il s’en alloit
À cil qui l’avoit envoyé,
Par Nemo fut interrogué :
Vado ad eum qui me misit, et Nemo interrogat me : « Quo vadis ? » Joh. 16^[6].

Encore vous vueil bien parler
De ce que Jesus dit de soy

1. Joh. VIII, 10.
2. B : pis.
3. Joh. IV, 72.
4. La dixième partie.
5. Imp. : racomptoir.
6. Joh. XVI, 5.