Cette page n’a pas encore été corrigée
Fai lusi toun blound calèu !
Coucho l’oumbro emai li flèu !
Lèu ! lèu ! lèu !
Fai te vèire, bèu soulèu !
Jun 1861.
II
LOU BASTIMEN
A Louis Jourdan, loulounen
Lou bastimen vèn de Maiorco
Emé d’arange un cargamen :
An courouna de verdi torco
L’aubre -mèstre dóu bastimen ;
Urousamen
Vèn de Maiorco
Lou bastimen .
Lou bastimen es de Marsiho ,
Un fin lahut bèn reissi ;
La mar se courbo e ten scsiho
Davans soun bos qu’es benesi ,
Car , Dieu -merci !
Es de Marsiho
E benesi ...
