Cette page n’a pas encore été corrigée
IV
A DONO MIOLAN - CARVALHO
Ai ausi canta la calandro
Que s’esperd dins lou soulèu rous,
E lou roussignòu amourous
Que nous dis sa tèndro malandro.
Au ventoulet quand se balandro,
Ai escouta lou pin noumbrous ;
E pèr meissoun, tres fes urous,
Iéu ai segui lou cant di liandro.
Mai, o Mirèio de Gounod,
Quand pèr Vincèn toun bèu mignot
Perlejo amount ta voues coumplido,
Me fas ploura coume un enfant
E recoumpènses tout l'afan
De ma jouinesso trefoulido.
Paris , 1864.
