Cette page n’a pas encore été corrigée
II
AU PINTRE NIMAUSEN JULI SALLES
Que me mande ’n retra de prouvençalo
pinta sus un frejau
pinta sus un frejau
Quau de la Sciènci vo de l’Art
Es lou plus béu ? I’ a proun relarg
Pèr la disputo, e balançave
Despièi lou tèms que ié pensave.
Mai, gràci à tu, vuei lou vènt-larg
A fa pér iéu li nivo clar ;
E van te dire coume save
Lou nous ounte m’embarrassave :
La Sciènci, d’un diamant reiau,
Pòu faire, dison, un caiau
Negre coume la chaminèio ;
Plus grand miracle fai ta man,
Car lou caiau devèn diamant,
Quand dessus i’ as pinta Mirèio.
1862.
