Cette page n’a pas encore été corrigée
III
LI GRIHET
A-n-Enri Cazalis
Fai lou grihet brun restounti li prat D’un cant segrenous que jamai s’alasso,
E iéu, de l’ausi, me mete à ploura.Antounin Glaize.
— Mai coume vai, pichot grihet,
Negre e lusènt coume jaiet,
Que, de-jour, n’en disès pas uno,
E que, de-tard, emé la luno,
Cantas li Vèspro dóu bouié ?
— Ah ! dins lou jour talo babiho
Fan li tavan e lis abiho
Que noste cant sarié’nterra
O s’arribavo à s’enaura
Nous acabarié l’auceliho
— Pàuri grihet ! — Mai au moumen
Que s’estrèmo avisadamen
Dono Fournigo, nautre, d’aise,
En esperant que tout se taise,
Sus li mouto tenèn d’à ment ;
