chose que personne nulle ne peult fuïr quant l’eure est venue ne nul quel qu’il soit n’en eschapera, ainchois convendra les ungs passer après les autres[1]. Mais en cest present volume n’est plus parlé que de luy et de sa fin, car de (fol. vc lxij) la vertueuse duchesse Berthe ne parle plus, du roy de France ne du conte Fourques quy moult anchien estoit. Et au regard de Charles Martel, il ne vesquy guaires depuis, car les Sarrazins quy bien sceurent la mort du duc Gerard vindrent en France a merveilleusement grosse armée, et tant eurent d’affaires les François que trop, comme l’en treuve en ung autre livre subsequent a cestuy, devisant la mort du redoubté prince Charles Martel, et comment son filz Pepin fut couronné, voire et a quelle difficulté, pour la pepitesse (sic) de luy quy en son temps fist de moult haultes et belles vaillances et fut bien amé de son pœuple. Et pour ce que la narration de cestes croniques est moult longue, il est expedient d’en faire plusieurs volumes, dont cestuy est le premier de quatre esquelz sont contenues les guerres du Loherain Guerin, du commencement, en enssieuvant, de temps en temps et de regne en autre, voire autant qu’il en a esté trouvé.
Cy fine le premier des quatre volumes dessus déclarés ou prologue de ung chascun d’iceulx et en la fin.
Pour ce que les fais des anciens ont esté de haulte recommandation, est il a la fois convenable de une meisme matiere faire plus de ung volume. Pourquoy, voyant le premier livre
- ↑ Juste observation.
