Page:Meurdrac - La Chymie charitable et facile, en faveur des dames, 1674.pdf/34

Avant-propos.

qu’ils feront, & de me faire participante du merite de leurs bonnes œuvres ; impetrant pour moy du Ciel par leurs prieres, & par celles des pauvres qu’ils ſoulageront, de nouvelles lumieres, & des connoiſſances encore plus utiles que ie puiſſe derechef leur communiquer. Pour ce qui eſt des Dames qui ſe contenteront de ſçavoir ſimplement, ſans vouloir prendre la peine de faire les operations qu’elles iugeront leur eſtre neceſſaires, à cauſe du temps qu’il y faut employer, & des differentes ſortes de vaiſſeaux, & autres uſtancilles dont on a beſoin, ou qui craindront de ne pas reuſſir, ie m’expliqueray de vive voix quand on me fera l’honneur de m’en communiquer, & prendray foin de faire moy-meſme ce que l’on pourra ſouhaiter de ce que j’enſeigne. I’ay diviſé ce Livre en ſix Parties : dans la premiere, ie traite des principes & operations, vaiſſeaux, luts, fourneaux, feux, caracteres & poids : dans la ſeconde, ie parle de la vertu des Simples, de leurs preparations, & de la maniere d’en extraire les