En vain elle le réclamoit,
Le soleil si fort l’enflamoit,
Que dès lors une fièvre ardente
La tourmenta si vivement,
Qu’en quatre jours la consumant,
Elle ne fut que my-vivante.
Ses yeux où un millier d’attraits,
De charmes, d’appas, et de traicts,
Et d’amorces inévitables,
Luisoient jadis si doucement,
S’ouvroient à demy seulement
Moüillez de larmes pitoyables.
Elle qui eut le teint vermeil,
Plus que celuy du blond soleil,
Devint si défaicte, et si pasle,
Qu’à la voir on eust estimé
Son corps, encore qu’animé,
Un corps qu’au tombeau on desvalle.
Le berger, voyant que le sort,
Donnant à sa nymphe la mort,
Rendoit toute sa gloire estainte,
Et jugeant en ce triste point
Les pleurs vaines, ne pleura point,
Mais fit à l’amour ceste plainte :
Page:Maynard - Œuvres poétiques, t. 2, éd. Garrisson, 1887.djvu/46
Cette page n’a pas encore été corrigée
