Cette page n’a pas encore été corrigée
Promit alors de triompher
De l’ennemy de Callyrée,
Et faire en sa fidelle ardeur
Fondre la mortelle rigueur
Dont son âme estoit martyrée.
Mais, Philandre qui l’escoutoit,
Et impatiemment portoit
Ces projects haineux de sa vie,
Desseigna de revoir les lieux
Où de son astre gracieux
La lumière luy fut ravie.
Quand de ce crystal argenté
Callyrée eut bien loin porté,
Et son pied et sa triste veuë,
Philandre dit en se levant :
– donc tu moissonneras du vent,
Bergère d’esprit despourveuë.
Hélas ! Tu conçois des désirs,
Pour te repaistre de plaisirs
Dont la naissance ne peut estre ;
Car dépendent-ils pas de moy,
Et je m’escarte loin de toy
Afin de les garder de naistre.
