Ne permets pas que ton mespris
Foule à ses pieds mon cœur espris.
Lors, dis-je, que ceste bergère
Esvantoit ainsi son ardeur,
Philandre espoint de sa langueur
Survint pensif et solitaire.
En bas ses moites yeux baissez,
Ses bras tristement enlassez
Et sa teste à costé penchée
Ressembloit le chef languissant
D’une rose se ternissant
Lors que l’orage l’a touchée.
Lors elle s’avança vers luy
Et dit : – suject de mon ennuy,
Philandre, idole de mon ame,
Est-il possible que ton cœur
Aye pour moy plus de froideur
Lors que pour toy j’ay plus de flame ?
Depuis le jour que tes beaux yeux
Se rendirent victorieux
De ma vie à tes loix soubmise,
Las ! Quelle heure, ainçois quel moment
M’a peu voir sans le doux tourment
Dont je suis en cendres jà mise.
Page:Maynard - Œuvres poétiques, t. 2, éd. Garrisson, 1887.djvu/108
Cette page n’a pas encore été corrigée
