Cette page n’a pas encore été corrigée
Mais, plaine de discrétion,
Et d’esprit et d’invention,
Dessous une gaie apparence
Elle cacha dedans son cœur
L’ennuy et la triste douleur
Que luy donnoit sa méfiance.
Enfin, Amour, lassé de voir
Exercer un tyran pouvoir
Dessus ceste àme douloureuse,
Dedans le séjour bocager
Luy fit voir un jour le berger
Qui la rendoit si langoureuse.
Ardante, elle y alla soudain.
Mais las ! La crainte d’un desdain
Luy osta le cœur de luy dire
Que ses yeux lui donnoient d’amour,
Si qu’elle n’osa de ce jour
Luy faire entendre son martyre.
Toutesfois, elle s’entretint
Avecque lui, et le retint
Durant le jour sous un ombrage,
Où elle apprit comme les dieux
Luy avoient ravy dans les cieux
Ce qui luy plaisoit davantage,
