Le texte de cette page a été corrigé et est conforme au fac-similé.
AMAN,
SECONDE
TRAGEDIE
⁂
ACTE PREMIER.
ARGVMENT.
Ceſte premiere ſcene eſt comme vn abregé des menaces des Prophetes, ſur le deſordre de la vie des Iuifs cauſe de leur captiuité, dont ores il ſe plaint pour conſoler ſa condition, qui le rendoit odieux en Perſe.
Mardochee.
Ccablé d’vn regret qui touſiours me martelle,
Ie me vois au malheur indompté comme Entelle,
Ceste aſpre paẞion qui de mille tourmens
Rauage tous les iours mes triſtes penſemens,
Ne me donne relais, la diuine cholere
Nous comble malheureux d’vne telle miſere.
A la celeſte voix nous auons faict des ſours,
Perfides nous auons marché tout à rebours
Nous forlignans du trac d’amour & de iustice,
Et n’eſt-il pas raiſon que le ciel nous puniſſe ?
