Tout cela chet comme fleurs de la branche. 5 N’y penfons plus. Voyre, mais du renom Qu’elle mérite, en diray ie rien ? non. Car du Mary les larmes, pour le moins, De fa bonté font sufflfans tefm oings.
Cy gist envers Claude Royne de France,
Laquelle avant que Mort luy feit oultrance
Dit à son Ame (en gettant larmes d’Œil)
Esprit lassé de vivre en peine, et dueil,
Que veulx tu plus faire en ces basses Terres ?
Assez y as vescu en pleurs, et Guerres,
Va vivre en paix au Ciel resplendissant,
Si complairas à ce corps languissant.
Sur ce fina par Mort, qui tout termine,
Le Lys tout blanc, la toute noire Hermine,
Noire d’ennuy, et blanche d’innocence.
Or vueille Dieu la mettre en haulte essence,
Et tant de Paix au Ciel luy impartir,
Que sur la Terre en puisse departir.
Dedans le clos de ce seul Tombeau cy
