Cette page n’a pas encore été corrigée
Jusqu’au bout servant
J’ay esté sur tous.
Mourant bien secoux
Senty par deux coups
Mon Maistre venir,
Et d’ung foible poulx
Disant à Dieu vous
Me prins à hannyr.
Sur ce souvenir
Voicy advenir
La Mort, sans hucher :
Mon Œil feit ternir,
Mon Ame finir,
Mon Corps tresbucher.
Mais mon Maistre cher
N’a permis seicher
Mon os, bruit et famé :
Car jadis plus cher
M’ayma chevaucher
Que fille, ne femme.
De Ortis le More du Roy
Soubz ceste Tumbe gist, et qui ?
Ung, qui chantoit Lacouchiqui.
