Cette page n’a pas encore été corrigée
Donc si voulez vostre blonde jeunesse
Joindre, et lyer à sa Grise viellesse,
Il sera bon vous enquerir avant,
Si j’ay parlé du cas comme sçavant,
En ceste Epistre assez mal composée,
Vous suppliant l’avoir pour excusée,
Si elle n’est en termes elegans :
Et recepvoir vueillez aussi les Gans,
Que de bon cueur vous transmectz pour l’Estraine
De l’An present. La chose est bien certaine,
Que voz deux mains tant blanches de nature
Meritent bien plus digne couverture :
Mais s’ilz ne sont à voz mains comparez,
Du bon du cueur (pour le moins) les aurez.
Ainsi rendray mon propos accomply
