bien vray, que ſon deſſein tombant au cœur d’vne ieune dame, entre tant d’hommes laſches & faillis de cœur, à tel beſoing, en ſi haulte & ſi difficile entrepriſe, & pour tel fruict, que le ſalut d’vn Peuple & d’vne Cité fidelle à Dieu : ſemble pluſtoſt eſtre vne inſpiration & prerogatiue diuine vers les femmes, qu’vn traict purement voluntaire. Comme auſſi le ſemble eſtre celuy de la Pucelle d’Orleans, accompagné de meſmes circonſtances enuiron, mais de plus ample & large vtilité, s’eſtendant iuſques au ſalut d’vn grand Royaume Æneid. 1. ælluſion.& de ſon Prince.
Cette illuſtre Amazone inſtruicte aux ſoins de Mars,
Fauche les eſcadrons & braue les hazars :
Veſtant le dur plaſtron ſur ſa ronde mammelle,
Dont le bouton pourprè de graces eſtincelle :
Pour couronner ſon chef de gloire & de lauriers,
Vierge elle oſe affronter les plus fameux guerriers.
