de conſentir, qu’elles ſoyent capables d’appliquer le Sacrement de Bapteſme : mais quelle faculté de diſtribuer les autres, leur peut eſtre iuſtement deniée ; ſi celle de diſtribuer ceſtuy-là, leur eſt iuſtement accordé ? De dire que la neceſſité des petits enfãs mourãs, ait forcé les Peres anciens d’eſtablir cet vſage en deſpit d’eux : il eſt certain qu’ils n’auroient iamais creu que la neceſſité les peuſt diſpenſer de mal faire, iuſques aux termes de permettre violer & diffamer l’application d’vn Sacrement. Et partant concedans ceſte faculté de diſtribution aux femmes, on void à clair qu’ils ne les ont interdites de diſtribuer les autres Sacremẽs, que pour maintenir touſiours plus entiere l’auctorité des hommes ; ſoit pour eſtre de leur ſexe, ſoit afin qu’à droit ou à tort, la paix fuſt plus aſſeurée entre les deux ſexes, par la foibleſſe & rauallement de l’vn. Certes ſainct Ieroſme eſcrit ſagement à noſtre propos ; Epiſt. qu’en matiere du ſeruice de Dieu, l’eſprit & la doctrine doiuent eſtre conſiderez, non le ſexe. Sentence qu’on doit generaliſer, pour permettre aux Dames
Page:Marie de Gournay Egalité des hommes et des femmes 1622.djvu/36
Cette page a été validée par deux contributeurs.
22
Egalité des Hommes
