Page:Marie de Gournay Egalité des hommes et des femmes 1622.djvu/33

19

Et des Femmes.

fils de l’homme, bien qu’il ne le ſoit que de la femme. Ainſi parle apres le grād Sainct Baſile : La vertu de l’homme & Homil. 1. de la femme eſt meſme choſe, puis que Dieu leur a decerné meſme creation & meſme honneur : maſculum & fœmininam fecit eos. Or en ceux de qui la Nature eſt vne & meſme, il faut que les actions auſſi le ſoient, & que l’eſtime & loyer en ſuitte ſoient pareils, où les œuures ſont pareilles. Voila donc la depoſition de ce puiſſant pilier, & venerable teſmoing de l’Egliſe, Il n’eſt pas mauuais de ſe ſouuenir ſur ce poinct, que certains ergotiſtes anciens, ont paſſé iuſques à cette niaiſe arrogance, de debattre au ſexe feminin l’image de Dieu a difference de l’homme : laquelle image ils deuoient, ſelon ce calcul attacher à la barbe. Il failloit de plus & par conſequent, deſnier aux femmes l’image de l’homme, ne pouuant luy reſſembler, ſans qu’elles reſſemblaſſent à celuy auquel il reſſemble. Dieu meſme leur à departy les dons de Prophetie indifferammentOlda Debora. auec les hommes, les ayant eſtablies auſſi pour Iuges, inſtructrices

C ij