Page:Marie de Gournay Egalité des hommes et des femmes 1622.djvu/19

5

Epiſtre à la Reyne.

queſtion, ne ſçauent ny veulent bien dire pres d’eux ; les ſages & gens de bien peuuent & veulent, mais ils n’oſent. C’eſt en la vertu certes, Madame, qu’il faut que les perſonnes de voſtre rang cherchent la vraye hauteſſe & la Couronne des Couronnes : d’autant qu’ils ont puiſſance & non droit de violer les loix & l’equité, & qu’ils trouuent autant de peril & plus de honte que les autres hommes à faire ce coup. Außi nous apprend vn grand Roy luy meſme, que toute la gloire de la fille du Roy eſt par dedans. Quelle eſt cependant ma ruſticité, tous autres abordent leurs Princes & Roys en adorant & loüant, i’oſe aborder ma Reyne en preſchant ? Pardonnez neantmoins à mon zele, Madame, qui meurt d’enuie d’ouyr la France crier ce mot, auec applaudiſſement, La lumiere n’a point d’Occident pour moy par tout où paſſera voſtre Maiesté nouueau Soleil des vertus : & d’enuie encore de tirer d’elle, ainſi que i’espere de ſes dignes commencemens, vne des plus fortes preuues du Traictè que i’offre à ſes pieds, pour maintenir l’egalité des hommes & des femmes. Et non ſeulement veu la grandeur vnique qui vous eſt acquiſe par naiſſance & par mariage, vous ſeruirez de miroir au ſexe