E dist : Sire, jo contereie,
Si vos congé en avereie,
Del Seint Home ço que jo vi
E ço que jo de lui oï.
Li Eveskes lui dist : cuntez ?
Li autre dist : bel sire, oïez ;
La celle où cist Seinz est mananz
Cent liues loinz longes è granz
I avest del’ munt seint Brandan
Où uns autre out esté meint an,
Qui aveit cele vie eslite,
E ke l’on teneit pur hermite.
Jo ving parler à cest Seint Hume
E il me dist, c’en est la sume,
K’il n’out unques si grant désir
De rien qui péust avenir.
Cum il aveit éu sovent
D’à lui parler à sun talent,
Jo demandai pur quei ço fu
Que tel désir en out éu ;
Pur ço ke, j’ai sovent oï
Les Diables racunter ici
En gabbant trestute sa vie.
Cum hermites ne vit-il mie
Quant il venent ici les nuiz,
Ço est lur joie è lor déduiz,
De lui è des autres reprendre,
Page:Marie de France - Poésies, éd. Roquefort, II, 1820.djvu/505
Le texte de cette page a été corrigé et est conforme au fac-similé.
493
DE MARIE DE FRANCE.
