Tant l’unt trait è saché entr’eus
Qu’el quart champ le menèrent odeus,
Tute manière de tormenz,
Là vit-le Chivaliers dedenz.
Par les piez estéïent pendanz
Plusurs od chaënes ardanz
E par les mains è par les braz
Li plusur en dolereus laz.
E si avéït mult de ceus
Qui pendirent par les cheveus ;
Li plusur les testes à-val
Pendirent en flame enfernal
Faite de sulphre qui ne funt.
Par les gambes liez à-munt
Li un pendeient cruelement
Od crocs ardanz diversement
Par oilz, par nés, è par oreilles,
De ceus i aveit-il merveilles ;
Par col, par bouche, è par menton,
E par les mameles, ço truvon,
Par génitailles, par aillurs,
E par les jouës les plusurs.
Ceus vit li Chevalers pendanz
El feu qui est tuz-jurs ardanz,
En forneises de souphre espris ;
En vit ascans qui èrent mis,
Asquans en vit ars è bruiz
Page:Marie de France - Poésies, éd. Roquefort, II, 1820.djvu/465
Le texte de cette page a été corrigé et est conforme au fac-similé.
453
DE MARIE DE FRANCE.
