Le texte de cette page a été corrigé et est conforme au fac-similé.
413
DE MARIE DE FRANCE.
Pur espunter les corages
Des pécheurs, è des nun-sages,
Des tristesces k’il averunt,
E les almes bien sufferunt[1] ;
E pur mettre en cumpunciun,
E en greigneur dévociun,
Cès qui volent à Deu pleisir,
E le sueu regne deservir.
Pur ço plus ententivement,
Pur amender la simple gent,
Voil desclore ceste escripture,
E mettre, pur Deu, peine è cure.
Seignurs al éïssue del’ cors
Quant les almes se issent fors,
Li bon Angle i sunt en présent :
Li mal vienent tut ensement[2]
Li bon Angle, c’en est la sume,
Receivent l’alme del Produme ;
En joie è en repos la mettent,
E li Diable si s’entremettent
De males almes turmenter,
E en péril od els mené ;
Solunc[3] ço k’eles unt ovré,