Le texte de cette page a été corrigé et est conforme au fac-similé.
412
POÉSIES
Pur révérence, è pur s’onur.
E si lui plest, è il le voille,
K’en ses bien-faiz tuz-jurs m’acoille,
Dirai-ço ke j’en ai oï ;
Beau-pière, or entendez ici.
Jà seit iço ke jo désir
De faire à grant profit venir,
Plusurs genz è els amender,
E servir Deu plus, è duter.
Jà de ço ne m’entremesisse,
N’en estudie ne me mésisse,
Si ne fust pur vostre prière,
K’en mun quer è duce et chière,
Poi en ai oï è véu,
Par-ço-ke j’en ai entendu ;
Ai-jo vers Deu greignur amur,
De Deu servir mun créatur
Par-quei jo vodrai à ovrir
Ceste escripture è descovrir.
Mulz essamples nus met avant
Seint Grégoire, en sermunant
Des espiriz qui sunt es cors,
E des autres qui sunt defors,
E des choses qui sunt nuisables[1],
Horribles, è espuvantables,
- ↑ Man. Musables et à la rime espuntables.
